Jowai: Kam chibynta i leh burom ya ka sngi kha u Mahatma Gandhi, ynnin ka sngi ka chnong Madankynsaw- Mowkyndeng da pynkhroo chooh chooh ko ya kani ka sngi deiwa pynman ko yaka SSA Day halor ka phang “U ‘A’ wow yah luti yaki khon ka chnong yong i.”
Kani ka lehkmen leh burom man ko kam chi bynta wow pynchlur wow e mynsien ya ki khon ka chnong kiwa dang lai skur. Boonsien ya kini ki skur da kheiñ wa toh ki skur mynkna namo ki skur kiwa dooh, neitæ i daw kheiñ wa man ki ki wym biang kiwa poh lada wyrchaw wa kiwi ki skur ki bru samen tangwa u ‘A’ wa sikai ki ha kini ki skur toh u jooh u ‘A’ wa hikai ha waroh ki skur.
Kamtæ chong ha i minot wa i kreh chitom don hi yong ki khynnah skur ki wa ye u pynku yaki ha i rukom im yong ki. Kiwa sikai ha kini ka skur leh em ki ka jooh ka kaamram wa i kitkhlieh, kamwa man lang kiwa sikai ha ki wi tawon ki skur. Katwa kamtæ ym jooh hoi u kheiñ poh kheiñ khian ya kini ki skur neibhah ini ktah ko ym du ya kiwa pynlai skur kamjooh leh yaki khynnah skur wa wan puræ ha kini ki skur leh.
Ha kani ka SSA Day da pynman leh boonjait ki yalehke kam ka March Pass, marble race, ka sack race, yakob chaad wa kiwi kiwi.
Waroh da em 3 tylli ki skur ka Chnong wa wan ya chim bynta ha kani ka sngi wei da emlang leh u Danny Shadap kam u waheh chnong, u J. Syngkon, u R. Chympa wa ki Executive Member ka Chnong, kiwa sikai wa ki bei ki pa yong ki khynnah.
Yei naam Best School da yoh ka Knorsyiem SSA LP School, Madankynsaw wei da pynman leh ya kani ka lehkmen da Babu Cyril Community Hall.
Discussion about this post