Jowai: I yakhih pyrchah ya ki thmu ka sorkar pyrdi wow pynman aiñ ya ka Citizenship (Amendment Bill) dang joor dang poor i kat dang mih ka sngi heiwa ynne ka Confederation of Hynñiewtrep Social Organisation (CoHSO) da pynbna ko da ka yakhih Surprise Agitation mynstep ka sngi ha Shillong.
Ka CoHSO toh ka satri wa kynthup ya ka HYC, JSU, JYF, HANM, AJSU, WJNC, EJNC, RBSU, CORP, MPUF, JSM, WKSU, WYF wa ka HPF.
Ka CoHSO da pyntip ko wa hadien ka yalang wa jhan wa pynman ynnin ka 5 tarik da chim ko ya ka rai wow pynman yakhih syndet namo ka Surprise Agitation.
Ya kani ka yakhih mynstep ka 7 tarik daw sdang heipor por 10 waje i step neibhah ka Joint Parliamentary Committee daw rah ko ya ka bui (Report) ha Parliament hajrong kani ka aiñ.
Chwa ka yakhih daw em ka yachemlang ha Shillong Club heipor 10 waje i step.
Discussion about this post