Ka Narwan Thwai Salong L.P. School da yoh ko wow pynlait paidbah ya ki Ticket Lucky Draw yong ka kiwa daw pynkhle ha ka 28-02-24 kam chibynta wow pynmih poisa ya kani ka skur.
Ya kini ki Ticket da wan wow pynlait paidbah kam u kongsan da u Tneibha Phawa uwa man kam u Secretary ka East Jaiñtia Hills Cricket Association deiwa emlang u Harlington Shadap, Waheh Chnong warim ka Narwan kam u symbood kongsan, u Leo Shadap, Secretary chnong Narwan, u Rimon Langstang uwa man kam u Secretary Dong Thwai Salong deilang wa u Sham Shadap uwa man u Waheh Dong ka Thwai Salong.
U kongsan da kyrpaad u ya ki paidbah wow yarap thied ya kini ki Ticket Lucky Draw kam wow kyrchaan yaka Narwan Thwai Salong L.P. School neibynta u pynbha pynmiat ya kani ka skur wei da pyn-eh-daw u leh ya kiwa kitkaam ka Narwan Thwai Salong wow nang ye ki u pynlai ya kani ka skur chakhmat neibynta i myntoi kiwa chong chnong.
Neiliang u symbood kongsan leh da kyrpaad u ya ki paidbah wow yarap thied ya kini ki Ticket wei wow noh kyllooid neibynta i bha i miat kani ka yung skur.
Kani ka Lucky Draw man ko leh kam chibynta ka Fete kawa daw pynman haka 27 wa 28 tarik uni u bnai (Feb) 2024.
Ki Prize yong kani ka Lucky Draw man ki kamni:
1st Prize- Mahinda Thar
2nd Prize- Rs. 1,00,000
3rd Prize- Rs. 50,000
Ya kani ka Lucky Draw pynkhle haka 28-02-24 ha madanbol ka Thwai Salong Narwan wei i dor Ticket man i Rs. 30 chi sla wa Rs. 300 chi Book.
Discussion about this post