Da ka Tie-breaker ye u rai ya ka Final ka Super Division

Jowai : Ka yakhun final ka Super Division kawa tip leh kam ka Kiang Nangbah Memorial Trophy da pynman ynne ka sngi ha pyrdi ka Khimusniang SC wa ka Mulang Nangbah SC heiwa da wan sakhi u Dr. R.C. Laloo, Deputy CM ka jylla kam u kongsan, u Puramon Kynjing kam u symbood kongsan, ki dkhot warim kamjooh kiwa katni yong ka WJDSA deilang wa ki spah ngut ki paidbah.

Ka kylla step pyn arliang da pyrchang ki katwa ye yow yoh u thap kool nyngkong tangwa kiwa yang kool kamjooh kiwa yalehke da ye ki u khanglaad u wi ya u wi hadooh wa kut ka kylla step khlem em wa yoh u thap kool.

Ha ka kylla miet ka bol da hær chibet cha tre kool ka Khimusniang chibet cha tre kool ka Mulang Nangbah wei da em leh ki kabu wa pyn arliang da yoh ki tangwa ym ye ki u pynkylla ki cha ki kool. Kamtæ ka kylla miet da kut ko khlem em wa thap.

Da pteiñ ya ka yalehke da ka Extra Time heiwa ka Khimusniang da yoh ko ya ka kabu ksiar u thap kool tangwa da ye kiwa yaleh ke ka Mulang Nangbah wow khang laad ya ka.

Related posts

Super Division Saipung: Jop ka Lamyrsiang ya ka Jalaphet Bri Sumer

November 26, 2024

Super Division EJHDFA: Jop ka Chiehruphi ya ka Ladrymbai-B

November 26, 2024

Ya i naam wa jop da rai da ka yachut Tie-Breaker. Da chut nyngkong ka Mulang Nangbah heiwa ka bol da lai ko khlem ye u wa yang kool ka Khimusniang u tba ka. I chut nyngkong ka Khimusniang da lai ko sak ha jaar deiwa noh u kool ka Nangbah Mulang cha rood.

I chut wa ar ka Mulang Nangbah ka bol da lai bait ko ha pyrdi ki kti uwa yang kool ka Khimusniang. Ka Khimusniang won khlem bakla da yoh ko u thap kool.

Ha i chut wa le ka Mulang Nangbah da yoh ko u thap kool katwa ka Khimusniang won da khanglaad ya ka da u kool ka Mulang Nangbah.

Ha i chut wa soo ka Mulang Nangbah da yoh ko u thap kool deiwa noh u kool cha i liang wa bakla ya ka bool wa chut suki bha. U wa chut wa soo yong ka Khimusniang won da chut u cha jrong u dieñ kool.

I chut wa san ka Mulang Nangbah da lai biang ko iwa pyntam da 4-2 kool.

Kamtæ ka Mulang Nangbah da rah ko yei naam Champion ka Kiang Nangbah Memorial Trophy 2016.

Ha kani ka sngi da saam leh yei naam Player of the Tournament iwa yoh da u Pynshngainmi Suchiang yong ka Khimusniang, i naam Best Goal Keeper cha u Kermiki Shylla yong ka Mulang Nangbah, i naam Top Scorer cha u Pyrkhatki Dkhar na ka Mulang Nangbah uwa yoh u thap 9 tylli ki kool katwa yei naam Man of the match da yoh u Joydeep Bamon.