Jowai: Ynne ka sngi ka Akhil Bharatiya Vidyarthi Parishad (ABVP) Jowai da pynman ko ya ka yalang pynkup burom ya ki khynnah na Ri-Loom Jaiñtia kawa tip kam ka “U Kiang Nangbah Best Student Award 2019” ha District Library Auditorium, Jowai.
Ha kani ka sngi da wan sakhi da u Wailadmiki Shylla, MLA ka 2-Jowai Constituency, u Dr. R.R. Kharkongor, Principal Thomas Jones Synod College Jowai, u Nirav Ghelani, North East Zonal Organising Secretary ABVP, ryngkat ki khynnah skur na ki skur waphær waphær wa kiwa chah khut sñiawbha.
U Wailadmiki Shylla hawa e yei klam da yaroh u ya ka ABVP wa da pynman ko ya kani ka pynkup burom kawa man leh wow emynsien ya ki khynnah puræ wa ki khynnah skur wow dang ku ki chaphrang deiwa kyntu ya ki wow man ki kiwa minot.
Heijooh i por da kyntu u wa kam ki khynnah skur emkaam wow em ki i mynsien yakhun ha iwon iwon i bynta lada hei puræ puthi næ ha ka imlang sahlang.
Ka Akhil Bharatiya Vidyarthi Parishad (ABVP) toh ka seiñ ki khynnah puræ wa heh dooh ha pyrthai kawa kreh wow kyntu kynrong ya i stat i tip wa ki khynnah wa kiwi ki bynta wow pynjanai yei rukom man ki khynnah.
Ha kani ka sngi da wan chimbynta da ki 32 tylli ki skur, heiwa da pynkup burom leh ya ki 52 ngut ki khynnah kiwa da pass bha ha ki Exam waphær waphær yong ki ha uni u snem.
Discussion about this post