Jowai: Kat dang lai ki sngi ka Lockdown ki paidbah ka Jowai da chem chitom bha ki khamtam heiyatoh wa ka um neibhah wa da yoh ya ka um wa saam ka PHE toh du ha ka sngi pood donhi wei ha kini ki samoi wa duna ka um, ki paidbah sam chem chitom ki neidaw wa da khang leh wot wow lai sait that cha ki loom ki wah.
Ini i duna um da wanrah i chiboon i eh i khoo khamtam ya ki manyung wa dooh wa duk.
Kam ha kini ki por da mih ki bru samen wow yarap sñiawbha cha kiwa emkaam yarap wei ha kani ka kynti da mih uwi u khon ka Dorbar Chnong Panaliar dei mynsien wa sñiawkhia da wan u chakhmat wow saam ya ka um cha ki khon ka chnong ha ka kyntoit Chongkhliehriat.
Uni toh u Heimonki Bamon wei da ong u “Kam ha kini ki por wa pynchlur ka sorkar wow sait-kti tangwa ka um won wym biang ko, ini da pynman i ya nga wow yaleh O katwa joh i bor yong nga wow yarap ya ki manyung wa emkaam yarap”.
Da kyntu u leh ya kiwi ki bru samen wow em ki i mynsien wow e yarap ya ki manyung wa emkaam yarap kam ha kini ki por wa krehkaam ka Lockdown wow yakhun pyrchah ya kani ka khlam u COVID 19.
Ynne ka sngi u Heimonki da pynpoi u ar kari ka um wow pyndap ya iwa emkaam ki paidbah kani ka kyntoit kawa chem chitom bha kam ha kini ki por.
Discussion about this post