Jowai: Ka UNDERTUNE SHG kawa na Jowai da pynman ko ya ka yalang wa tip kam ka Village Neighborhood Youth Parliament wow pynsñiawthooh paidbah chaphang i pynkup bor ya ki kynthai kawa tip kam ka Women’s Empowerment hei yakrehlang waka Nehru Yuva Kendra Sangathan Jowai ynnin ka 12 tarik ha chnong Ummulong.
Ya kani ka yalang da pyllai da u President ka SHG u Habandajop Lyngdoh uwa da pdiang sñiawbha ya ka Volunteer ka Nehru Yuva Kendra Sangathan Jowai ka Aitilut Kyndait kawa klam chaphang i hok ki kynthai wei da kyntu ko leh ya ki wow seiñ ki ya ki Self Help Group wei ki leh yow ye ki u rah ya ka khubor cha kylleiñ ka ri-loom Jaiñtia yei hok yong ki kynthai deiwa yarap ka NYK Jowai.
Da yoh leh yei klam naka Naeniwanda Pakma kawa klam hajrong ka phang Woman’s Empowerment kawa da ong wa ki kynthai katni em ki ya i bor wow poi i jooh i kyrdan wa ki chynrang nadooh i khih i khan wei da pyntip ko leh ya kiwa da em kurim lada chah dat ki ha ki kurim, wa em hok ki wow ujor pyrchah ya u kurim wei ym toh u tieñ ki u leh ya ini.
Da pynsñiawthooh ko leh ya waroh ki kynthai wa emlang wow chlur ki wei ymtoh u tieñ ki ya i hok wa da e ka aiñ ha ki wei wow pynsñiawthooh para kynthai wa i hok ki kynthai em ki nadooh ya kiwa mylla sngi kamjooh ha waroh ki jait kaam.
Da pynkut ya ka yalang da ki ktien e khublei na u Secretary UNDERTUNE SHG u Raj Passah.
Discussion about this post