Da ka yachut tie-breaker wow rai ya ka dhab wow psiah Semi final yong ka 2nd Division

Jowai : Ha ka yakhun 2nd Division wa da pynman ha madan Kiang Nangbah Stadium da pynyaleh ya ka Quarter Final hapyrdi ka Moosalyngkat wa ka Umshangiar.

Kani ka yakhun da man sakhiat ko kawa yoosuk wei kawa chongchit neibhah da rai ya kawa jop da ka yachut Tie-breaker hadien wa pyn ar ki dhab da thap ki mar 2 kool.

Ha ka minit wa 23 wa kawa 27 ka Umshangiar da yoh ko u thap ya ki kool na u Weibormi Niangty wa na u Lakhon Bareh.

Hadien ini ki wa yalehke ka Moosalyngkat da khyrngiat ki wei da yaleh ki katwa ye u su ya kini ki kool wa chah thap ko, wei ini da man i iwa sakhiat hadien wa u Chibaitki War da ye u wow chut sak chapoh kool ha ka minit wa 32 wei da thap biang u sa kawi ka kool ha ka minit wa 39.

Related posts

3rd Division EJHDFA: Jop ka Tuber Chohchrieh wa ka Moolang

July 7, 2025

Pynbna ka AIFF Rs. 42.75 lak cha ki kynthai wa yalehbol ka India hadien wa yoh ki wow psiah cha ka AFC Women’s Asian Cup

July 6, 2025

Manda kut i por yaleh ki kool da neh ki kamjooh heiwa pyn ar da thap ki mar 2 kool wei yow rai ya ka dhab wow psiah cha ka Semifinal da yachut da ka tie breaker heiwa ka Moosalyngkat da thap ko 6-5 wei neini da ye ko u psiah cha ka yakhun Semi Final.

Ha ka yakhun Super Division won da pynyaleh hapyrdi ka Dulong wa ka Sabah Muswang heiwa ka Dulong da jop ko da 2-1.

Ya ki kool ka Dulong da thap da u Phermiki Lytan ha ka minit wa 68, wa na u Marbood Lato lyngba ka chut Penalty ha ka minit wa 88.

Katwa ya ka kool ka Sabah Muswang da thap da u Damechwa Dkhar ha ka minit wa 90+3.