Kam chibynta i lehkmen yei dap 75 snem namo ka Platinum Jubilee ka Dorbar Chnong Khimusniang kawa da pynkut noh ha ka 28 tarik uni u bnai, neiliang ka Seiñ Khynroo Khyllood ka Dorbar Chnong Khimusniang hei janmiet da pynman ko da ka yakob Mrs Platinum Khimusniang 2024 neibynta ki manbei katwa neibynta ki khynroo khyllood won da pynman da ka Exotic Modelling Competition ha Indoor Sports Hall ka chnong.
Yei naam Mrs Platinum da jop ka Mandakani Bamon, yei naam 1st Runner Up da yoh ka Rimika Bareh katwa yei naam 2nd Runner Up da yoh ka Menu Shylla.
Da em leh kiwi ki khusnaam namo ki Subtitle kam i Best Smile wa jop da ka Orabell Bareh, Best Walk da jop da ka Treri Pyrngap, Best Personality wa jop da ka Medona Blah katwa yei Best Attire da jop da ka Dawanka Sutnga.
Ha ka Exotic Modelling ki kynthai da jop da ka Feradonor Rupon da pynbood hei wa ar da ka Jovially Shylla katwa hei wa le da yoh ka Aibanrihun Bareh.
Ha ka Exotic Modelling ki chynrang won da jop da u Cherisful Dkhar, hei wa ar da yoh u Ewadathmu Mi Papeng, hei wa le u Elambor Papeng katwa hei wa soo da yoh u Benediction Lamare.
Ya kini waroh da bichaar da ka Elishian Dkhar, ka Cordia Suchiang, u Walter Pariat wa ka Leiyoka Hua.
Ya ki dur ki daar kiwa chimbynta da pynmiat pynphooh da u Emitre Myrphet wa ka Anita Suting.
Discussion about this post