Shillong: Kam chibynta wow kyntu ya ki sur tynre, ka Hynñiewtrep Youths’ Council (HYC) Sohïong Circle ynnin ka sngi da pynman ko ya ka yakob Rwai yong ki skur waphær waphær wa em ha ka thaaiñ Nongkseh, Sohïong wa Weilyngkut.
Ha kani ka lympung da pynman ha Sohïong Indoor Sport Stadium wei da pynman ya ka hajrong ka phang “Kumno ban kyntiew ïa ka Imlang Sahlang”.
Ya i naam jop yong kani ka yakob da rah da ka Sohïong Higher Secondary School, ya i kyrdan wa ar da rah da ka Sohïong Presbyterian Secondary School katwa ka Tlong-umïam Secondary School, Weilyngkut da yoh ko yei naam wa le.
Neiliang u President ka seiñ, u Purningstar Shabong da ong u wa ka jaitbru kawa klam bait da ki kyntien yong ka hi toh ka jaitbru kawa stat wa che, ka jaitbru kawa chemphang kawa em i kyrmen ha ka pateiñ.
Ha kani ka sngi da yoh leh yei klam na u Joplang Kharnaïor uwa da man kam u kongsan ha kani ka sngi wei uwa man leh u Assistant Education Secretary ka HYC Central Body.
Hawa e yei klam, u Joplang da ong u wa kam ki khynnah toh u man ki kiwa skem i thij i pyrkhat wa ki kaam yong ki wei wow saiñdur ya ka imlang sahlang chong ko ha ki.
Discussion about this post