Jowai : Ka seiñ Meghalaya Peoples’ United Front hadien wa yoo ko yei leh politic yong ki kattu katni wow kyrriah kaam noh ya u Arunkumar Kembhavi kam u Deputy Commissioner ka West Jaiñtia Hills District, ka seiñ daw pynman ko da ka yalang paidbah ha ka 11 tarik uni u bnai ha Petrol Pump, Laad College heipor 11 waje i step.
Ka seiñ da ong ko wa kani ka yalang daw chim ya ka rai wow pynneh biang ya uni u DC neibhah u DC ym jooh pyndem u ha ki blai san snem khamtam hei yatoh wow thung kreh deiwa khooid hapoh district khlem i yarap ki heh wa ki blai san snem.
Heijooh i por da ong ko wa hei sakhiat da toh u kyrriah ya u DC khliehriat u wa da kut i por wei dang neh u hadooh katni.
Kamtæ ka seiñ khut ko ya waroh ki paidbah ka Ri-loom Jaiñtia ha kani ka yalang wei khamtam leh ya ki seiñbhalang wa ki seiñ saiñ pyrthai næ ki Political Party neibynta i bha i miat ka District wa ka jylla waroh kawi.
Discussion about this post