Jowai: Hadien wa mih ka khubor wa ong wa pynbaad ki tre Truck wa la 4 snem ka seiñ ki tre Truck ka West Jaiñtia Hills ym jooh khut yalang General Meeting chooh ko nadooh wa man President u Nidamon Chullet, neiliang u Enrico D Pasi u Genral Secretary ka ka Jaiñtia Hills Truck Owners Association da ong u wa ini i pynbaad ym em yurim i iyi iyi leh wei man ko du wow daisarom donhi ya u President ka seiñ.
Da ong u leh wa ka seiñ da khut General Meeting ko na ki por cha ki por wei da em leh ka sabut na kiwa soi pyrtuid kiwa wan wow emlang ha ki General Meeting wei da leh yeini ym duna chisien chi snem katkam ka riti synchaar ka seiñ.
“Kiwa daisarom ya u President yong ka seiñ, u Nidamon Chullet toh du kiwa ym jooh wan cha ka General Meeting wei ym em man ki leh kam ki dkhot ka seiñ neitæ i daw ymtip ki yei sakhiat wei lada kwah ki wow tip yei sakhiat ye ki u wan sakhi ya ka Register,” da ong u Pasi.
Chooh chooh da ong u wa haka 28-04-2018 daw pynman ya ka General Meeting yong ka seiñ ha Phramer heipor 2:00 waje i sngi wei da khut lang ya waroh ki dkhot ka seiñ wow wan embynta lang ki khlem pep yow yoh u pynche hajrong ini i chah pynbaad.
Also Read: Sñiawkhia ka seiñ ki tre Truck ka WJH wa ym jooh yoh General Meeting la soo snem
Discussion about this post