Da ka yalang paidbah u khut yow rai lada u chah næ ym chah u chna Mandir ha Khliehriat

U Montri ka chnat Excise ka jylla, u Kyrmen Shylla da ong u wa daw em ka yalang wow chimbynta kiwa boon ki liang hajrong i pyrchah wow chna ya ka Mandir ha Khliehriat.

Hawa klam ynne ka sngi, u Kyrmen uwa man leh kam u MLA ka Khliehriat, da ong u wa chong hei rai yong ki paidbah wow chah næ ym chah.

Da khana u wa hadien wa da yoh ya ka ujor, neiliang u Deputy Commissioner ka East Jaiñtia Hills da pynsangeh u yei thmu wow chna Mandir wei da pynbait wow em dei yaklam wa ki liang kiwa pyrchah yeini.

Ynne ka sngi, ka KSU East Jaiñtia Hills da yachem ko wa u Kyrmen yow pynsñiaw ki yei pyrchah joor yei thmu wow chna ya ka Mandir ha katai ka thaw.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

U Kyrmen da ong u wa katkam ka aiñ Meghalaya Land Transfer Act, em ko ki kyndon yow chah u chna ya ki thaw mane tangwa chong won ha ki paidbah wa ka chnong wow chim yei rai.

Neiliang kiwa yahkhmat ka KSU East Jaiñtia Hills da ong ki wa ymtip ki lada toh ki Hindu, ki Muslim næ ki Christan tangwa ka yurim toh wym chah ki wow chna ha ka thaw sorkar neibhah toh ka thaw yong paidbah.