Da ka yalang u pynman ka TUR hei yatoh wei chah slaitbor ka khynnah wa 14 snem

Jowai : Ha kini ki tayaw wa da dep da mih ki khubor hei yatoh wei chah ktah i hok ki kynthai khamtam ka khubor wa chah slaitbor ka khynnah wa dang 14 snem ha iwi i Guest House.

Kani ka Guest House toh ka yong kiwa hayung u Montri ka jylla (Home Minister) wei ha ka FIR leh da mih pyrtuid uwi u MLA wa kiwi kiwi kiwa emkti heini i kaam.

Kamtæ ka seiñ TUR daw pynman ko da ka yalang ha ka 3 tarik uni u bnai heipor 2 waje i sngi ha Bethany Society (hajan ka Bansara Clinic), Laitumkhrah, Shillong wow yaklam yapyrkhat hajrong ini.

Ka seiñ da kyntu ko leh ya ki paidbah wa kiwi ki seiñbhalang wow wan chakhmat wow pyn ap yei sñiaw yong ki hei yatoh weini ha kani ka yalang.