U DC ka East Jaiñtia Hills District da pyntip u wa hadien wa da pyndam ya ka hukum wa khang yei lai i wan ki kari lyngba ka yingkieñ wa em ha Sonapur yow e laad ya ki kari wa lai ya ka Election Duty ka jylla Manipur nadooh ka 19 tarik uni u bnai heiwa da chah wow lai du kawi ka kari chisien lai deiwa paan bor u Chief Electoral Officer ka Manipur.
Ynne ka sngi da pynmih hukum biang wa katkam wa dawa da ka NHAI wa emkaam biang wow sdang u chna biang ya kani ka yingkieñ, kamtæ da emkaam biang wow khang yei lai ki kari lyngba kani ka yingkieñ.
Hajrong ini, u DC da pyntip u wa nadooh ka 25-02-22 hadooh ka 28-02-22 u chah du ki kari khian wa khia hapoh 3 MT donhi wow lai lyngba kani ka yingkieñ.
Nadooh ka 03-03-22 hadooh ka 06-03-22 leh u chah du ki kari khian wa khia hapoh 3 MT wow lai lyngba kani ka yingkieñ.
Nadooh ka 12-03-22 hadooh ka 14-03-22 won u khang sbak ya kani ka yingkieñ wei ym chah ya kiwon kiwon ki jait kari wow lai lyngba yong ka neidaw wa leh ya ka Load Testing.
