Ka yung krehkaam ka War East Elaka Satpator Fishing and Environmental Protection Association da chim ko ya ka rai wow khang chwa chipor ya ki bru na baar Elaka wow wan khwe ha ka Wah Lakroh.
Yeini da leh neidaw wow khang yei poor u khñiang khlam COVID-19 neibhah deiwa chah ya ki bru na baar daw wanrah ko yei syir mynsien ki paidbah.
Kamtæ da kyntu ya ki paidbah kiwa na baar Elaka wow man ki kiwa yaichah wei wow krehlang wa ka seiñ kam ha kini ki por wow man ko ym du wow yada ya ki khon ka Elaka tangwa wot ya kiwi ki lok kiwa jooh ka-it mynsien wow wan khwe cha kani ka thaw.
Kani man ko katkam ka Wyrta na u Secretary ka Association, u Embhah Chyrmang.
