Khliehriat: Ka Deputy Commissioner, East Khasi Hill District da pyntip paidbah u Chief Secretary ka jylla wa da thung yaka wow man ko kam ka Nodal District wow pyndap pynbiang ya ki mar wa emkaam (Essential Commodities) cha kiwi tawon ki District.
Ini i pyndap pynbiang mar u leh katkam i emkaam (Priority) neibhah wa da sdang duna ki mar ha yaaw ha hat (Open Market).
Katwa kamtæ da hukum ya waroh ki dukan Wholesaler, Stockist wa em hapoh ka East Jaiñtia Hills District khamtam kiwa ha Lad Rymbai wa Khliehriat wa ymtoh u dai ki ya kini ki mar wa emkaam cha ki dukan dai paidbah (Retailer) yong kiwi tawon ki District khlem yohbor na u Deputy Commissioner ka East Jaintia Hills District, Khliehriat.
Yeini da leh hadien wa da sdang duna ki mar wa emkaam ha ka District katkam wa chem ka chnat Supply Branch.
Ya kiwa leh pychah daw pynchitom ya ki katkam ki kyndon ka aiñ.
Ya kani ka jooh ka hukum da pynmih leh da u Deputy Commissioner ka West Jaiñtia Hills District; wa ki Wholesaler/Stockiest ka District wym toh u dai ki yaki mar (Essential Goods) yong ki cha kiwi kiwa em cha baar ka District khlem da yoh bor na u Deputy Commissioner neidaw wa da sdang duna ki mar hapoh ka District katkam wa chem ka chnat Supply Branch.
Discussion about this post