Ka wah Kameng kawa em hei bynta ka East Kameng District ka Arunachal Pradesh da yap da ki spah tylli ki dakha kiwa da yoo ki paidbah ynnin ka 29 tarik heiwa da lai kiwa boon wow pynlang ya kini ki dakha yow rah cha yung.
Na kini ki dakha kiwa da pær ha ka um da em leh kiwa dang im wei kani ka kwah toh kawa kooid cha Tezpur, Assam wei man ko kawa ka-it bha ki bru wow lai khwe cha ka nadooh na kiwi ki jylla leh.
Neiliang ki bor District pyn ynnin ka sngi da pynmih hukum ki deiwa ong wa kini ki dakha ye u man ki wym man wow baam ki bru neidaw wym tip yei daw wa yap ki, kamtæ da khang wow baam kamjooh wow dai ya ki dakha wa wanrah na East Kameng District, Seppa kiwa em hapoh u pood u ang ka Capital Complex hadooh wa pynmih hukum da kamwi.
Da ong leh wa kitu kiwa baam dakha pyrchah ya ka hukum daw kitkhlieh ki ya idæ hi lada jia iyi iyi wei da phah leh ya ki yaw ki haat wow pynkhooid ki ya ki thaw dai.
Yei daw wa yap kini ki dakha ym pu tip.
