Jowai: Yow pyntikna waka Election MDC cha ka JHADC 2019 u man ko kawa khooid wa kawa laitlooid, u District Magistrate ka West Jaiñtia Hills da pynkrehkaam u ya ka Section 144 Cr.PC kawa khang ya waroh ki kyrtong, ki Agent yong ki, ki seiñ saiñ pyrthai wow thoh ki cha chram, u biah poster, ki kot ki sla, u pynsih ya kiwon kiwon ki thaw, u booh ya ki Hoarding, ki Banner ha ki thaw paidbah.
Heiyatoh won wow booh ya ki banner, i biah poster ha ki thaw ki bru samen emkaam u yoh bor na ki tre deiwa thoh ki dei thoh kamjooh emkaam wow yoh bor naka yung krehkaam u District Magistrate.
I booh banner cha ki luti syngkieñ da khang wow leh ya ini.
Ym chah u pynman ya ki yalang yalap Election ki lai paidbah khlem yohbor na ka yung krehkaam u District Election Officer, District Council Election, West Jaiñtia Hills District wa na ki waheh chnong heiyatoh wa i thaw pynman.
I pynemkaam ya ki tanghæng u chah nadooh 06:00 waje i step hadooh 10:00 waje i miet wei ya kiwa leh ya ini khlem yohbor daw kem ya ki tiar ki tar.
Da khang leh wow rah poisa palat T. 50,000 da u kyrtong kamjooh kiwa kyrchaan ya oo.
Kani ka hukum u krehkaam ko chisyndon ha waroh kawi ka West Jaiñtia Hills District hadooh wa kut ka Election.
Discussion about this post