Neidaw wa joor i chna yung chna sem wa kiwi de kiwa khlem da yoh bor ha ki thaw wa da yoh yei yada da ka sorkar namo ki Centrally Protected Monuments (CPMs) katkam ki kyndon ka aiñ Ancient Monuments and Archaeological Sites and Remains (AMASR) Act 1958 waka National Monuments Authority (NMA), neiliang ka Ministry of Culture ka sorkar India da pynmih kyndon ko kiwa hap wow bood manda e NOC yow chah u chna yung chna sem wa kiwi de ha ki thaw wa da yoh yei yada namo ki Centrally Protected Monuments (CPMs).
Ka aiñ Ancient Monuments and Archaeological Sites and Remains (AMASR) Act da khang ko wow chna thymme næ wow pynkylla ya ki thaw wa da em kiwa da chna da pynyieñ da u warim wajah khlem da yoh bor naka the National Monuments Authority (NMA).
Kani ka aiñ AMASR Act da khang ko leh wow chna ya kiwon kiwon hapoh 100 Meter soodong ki thaw wa da yoh yei yada wei sa 200 Meter palat na kini ki thaw kiwa da hap wow bood katkam ka kyndon aiñ.
Kamtæ kini ki thaw wa da yada namo ki Centrally Protected Monuments (CPMs) ha West Jaintia Hills toh ka yingkieñ moo (Megalithic Bridge) ha Amlarem, yingkieñ moo wa em ha Thlumuwi, Mupyut, U-Moothoh-dur-bru ha Nartiang, ka yingkieñ moo ha Syndai waka nan um ha Syndai.
Discussion about this post