I dai duma wa kiwi ki mar wa da chna da u duma da khang wow dai ya ki cha ki khynnah kiwa hapoh 18 snem i rta kamjooh da khang leh u dih duma ha ki thaw paidbah ka West Jaiñtia Hills District.
Ka chnat i chait i khiah ha ka hukum wa da pynmih da ong ko wa katkam ka Section 4 yong ka Cigarettes and other Tobacco Products Act (COTPA) 2003, ym chah ya ki bru wow dih duma ki ha ki thaw paidbah wa kynthup ya ki yung paidbah, ki thaw sumaar, ki dukan dai baam, ki yung krehkaam sorkar wa yong samen, ki thaw puræ wa kiwi kiwi.
Da khang ko leh wow dai duma ya kiwa hapoh 18 snem i rta næ wow dai duma hapoh 100 yard na ki thaw puræ.
Kiwa leh pyrchah daw chah daiñ kuna ki hadooh T. 200.
