Ka SDO ka Amlarem Sub-Division da pyntip ko wa neidaw wa pteiñ i joor u slap ha kini ki tayaw, u sarok wa lai na Amlari cha Muktapur da sih u ha kiwa boon ki bynta wei da em leh i oor khyndaw ha “Kyrdeng Khli” iwa em hei bynta wa 20 Km u sarok Amlarem-Muktapur heiwa da chah rah i bynta u sarok.
Da ong leh wa uni u sarok da booh u hei maa yei mynsien bru kiwa lai luti wei katkam wa pyntip u Assistant Executive Engineer, PWD (Border Roads), Amlarem wa neidaw wa sih uni u sarok Amlari-Muktapur, ki paidbah toh u yait ki u pynemkaam ki ya uni u sarok ha i heibynta wa 15 Km nadooh na Amlari cha Muktapur yow lait na iwon iwon iwa sñiawsih.
Kamtæ ka SDO da pynmih hukum ko hapoh ka Section 144 CrPC yow khang yei lai ki kari wa heh wa khia nadooh na Amlari hadooh Borghat Junction (Muktapur) wei toh u pynemkaam da u sarok Muktapur-Dawki.
Kani ka hukum toh kawa krehkaam nadooh ynne ka 19 tarik hadooh wa pynmih hukum da kamwi.
