Ki bor District ka Dehradun ynnin ka sngi da rai ki wym chah wow leh yaka Chhath Puja ha ki thaw paidbah, harood ki wah lane kiwon kiwon ki thaw wa em ki um neidaw wa dang ku ki kiwa yoh COVID-19. Da phah yaki bru wow ya lehkmen ki ha ki jar jiar ki yung.
Haka hukum wa pynmih da ki bor District da khang hadooh wow pynman yaki yalang wa heh hapoh yung leh. Da phah yaki para wa ngait niam wow bood ki yaka Social Distancing, u deiñ yaki Mask heipor wa leh yaka Chhath Puja katwa ha ki thaw wa man kam ki Containment Zone ym chah wow pynman ya kani ka Puja.
Ka Uttarakhand ynnin ka sngi da em ko 420 ngut kiwa dang yoh thymme iwa da pynpoi ya waroh kiwa da dep yoh cha ka 69,307 ngut wei da em leh 9 ngut kiwa dang yap iwa da pynpoi 1128 ngut kiwa da dep yap.
Na kiwa dang yoh, 153 ngut toh du kiwa na Dehradun District kawa da em 19,369 ngut kiwa da dep yoh hapoh ka District.
Chi bynta ka Chhath Puja toh wow mane yaka Sngi heiwa kiwa ngait da hiar ki cha ki um ki wah dang step yow e yei tyrwa cha ka sngi heipor wa mih ko.
