U SP ka East Khasi Hills da pyntip u wa kam chibynta wow pynkyllooid ya ki bynta ka Police Bazaar deilang wa ki bynta ka Motphran, neiliang ka Shillong Traffic Police (STP) da pynman ko yei pyrchang wa chipor yei rukom lai wei rukom psiah wa i rukom mih ki waroh ki Bus kamai wa kynthup ya ki SPTS Bus cha Police Bazaar wa Motphran iwa daw sdang nadooh myntu ka 23 tarik.
I luti lai kini ki Bus man ki kamni ha wah:
Ki Bus wa wan na thaaiñ Mawlai kiwa lai na Polo wa kiwa wan na NEIGRIHMS wa Nongmensong lyngba ka 4th Furlong kiwa kwah wow lai cha Police Bazaar lyngba ka CS Junction, IGP Point wa Kachari Point daw pynlai ki cha Barik manda poi ki ha IGP wei ym chah u psiah ki cha Police Bazaar.
Ki Bus won wa wan na Nongthymmai, Laitumkhrah lane Mawlai wa na thaaiñ Lumdiengjri yow lai lyngba ka Civil Hospital yow psiah cha Police Bazaar lyngba ka IGP Point wa Kachari Point daw pyndong ki na Kachari Point yow lai cha Raj Bhavan wei ym chah u psiah ki cha Police Bazaar.
Kamtæ da kyntu ya ki paidbah wow man ki kiwa yaichah ha ini i por wei ya ini da leh deiwa e buit ka Meghalaya Urban Development Authority.
