Ka DC ka East Khasi Hills District da pynkrehkaam ko da ka Section 144 CrPC ha waroh kawi ka Shillong wa kamjooh hapoh ka District yow khang yei pynemkaam ya ki Horn wa ki Exhaust Pipe (Silencer) kiwa ood iwa da ktah ya ki paidbah.
Da pyntip leh wa ka sorkar Meghalaya lyngba ka Transport Department da pynbna ko ha ka 04-08-23 wow khang yei pynemkaam ya ki Pressure Horn waki Silencer næ kiwon kiwon kiwa da pyndait ha ki kari kiwa ood palat ya iwa chah hapoh ka Rule 119 (2) wa Rule 120 (2) ka Central Motor Vehicle Rules 1989 wak Section 52 ka Central Motor Vehicle Act.
Kamtæ ka hukum da khang ko wow pyndait ya kiwon kiwon ki Horn wa ood, u dai ya ki Audio System kiwa khlem em Sound Limiter, i pynkieh Horn ha ki thaw wa man kam ki Silent Zone iwa mut hapoh 100 Meter na ki Hospital, ki thaw puræ, ki yung bichaar wa ki thaw mane.
Da khang leh wow pynkieh Horn nadooh 10:00 waje i miet hadooh 6:00 waje i step ha ki thaw wa sah ki bru lait noh wa em iwa jhan wym hoi u dam.
Da khang leh wow pynkieh deiwa jrong deiwa pynemkaam da ki Air Horn da ki Truck wa lai kit jhep wei ini toh katkam ka kyndon 179(1), 190 (2) wa 194F ka aiñ Motor Vehicle (Amendment) Act, 2019.
Ki dukan, ki karkhana kiwa dai wa pyndait ya ki Exhaust Pipe kiwa ood toh u dam ki chisiendon yow lait ki nei chah pynchitom katkam ki kyndon ka aiñ Motor Vehicle Act wa kiwi de ki kyndon aiñ.
Kitu ki wym bood ya kani ka hukum daw chah pynchitom ki leh hapoh ka Section 188 ka IPC.
Discussion about this post