Hadien wa da dep jia iwa sñiawsih hadooh wa da dooh noh yei mynsien i khonboo wa da kha hapoh Ambulance neidaw wa sahkut ha sarok wa em kiwa pynman ya ka yakob khwe iwa da jia ha ka 16 tarik uni u bnai, neiliang u District Magistrate ka South West Khasi Hills District, Mawkyrwat da pynmih hukum u hapoh ka Section 144 CrPC.
Hapoh kani ka hukum da ong wa da em ki ujor wa da yoh wa em ki bru samen wa ki seiñ kiwa da myllieñ u pynman ya ki yakob khwe dakha kamjooh ki yalang paidbah harood ki nan khwe dakha kiwa em harood ki sarok ka PWD wei kam kini ki yalang da pynthut bha ki yei lai i wan ki paidbah.
Kamtæ yow lait u jia iwon iwon deiwa pyrkhat yei myntoi ki paidbah, da pynkrehkaam da ka Section 144 CrPC yow khang yei pynman ya ki yakob khwe dakha wa ki yalang paidbah ha ki nan khwe dakha kiwa jngai hapoh 500 Meter na ki sarok PWD.
Kani ka hukum u krehkaam ko nadooh myntu hadooh wa pynbna da kamwi wei kiwa chah ktah na kani ka hukum ye ki wow lai mih cha ki bor wa pait yeini.
Puræ leh: Khlaad i khonboo wa hap kha hapoh Ambulance kawa sahkut neidaw ka yakob khwe dakha
Discussion about this post