Hadien wa da pynbna ka Election Commission of India wa daw pynman noh ya ka Election neibynta ka 23-Sohiong (ST) Assembly Constituency ha ka 10-05-23, kamtæ ka Model Code of Conduct wa kiwi ki kyndon wa da pynmih da ka Election Commission da pynkrehkaam ya ki ha waroh kawi ka East Khasi Hills District.
Kamtæ ka District Magistrate wa District Election Officer, East Khasi Hills District hapoh ka Section 144 CrPC da khang ko wow pynman ya kiwon kiwon ki jait yakhih ha iwon iwon i rukom da kiwon kiwon ki bru lane ki seiñ hapoh ka East Khasi Hills District.
Ya kani ka hukum da pynmih hadien wa da yoh yutip wa da em i thmu wow pynman yei chah thngan, i lai paidbah wa kiwi kiwi de da ki kattu katni ki seiñ hapoh ka District wei kini ki jait yakhih daw ktah ko yei krehkaam ka aiñ wa i chongsuk iwa daw ktah yei thaw i bhaw wa ki yung ki sem ki bru iwa daw pynthut leh yei lai ryntih ka Election ha 23-Sohiong (ST) Assembly Constituency, lada ym khang yeini chisyndon.
Kani ka hukum da pynkrehkaam ya ka chisyndon hadooh wa da pynmih da kamwi.
