I e yarap ki bru da ki yusong marbaam mardih kiwa em leh ka chap yong ki seiñ, i pynemkaam da ki tanghæng yow pynbna ya ki pyrtuid ki bru wa e yarap, i lai na iwi i yung cha iwi da ki seiñ wa ki bru samen, i booh da ki Banner yong ki bru wa e yarap ha ki kari hei pyrtuid wa lai e yarap ha ini i por wa em ka khlam toh u sangeh chisyndon, pynbna u District Magistrate, Imphal West District, Manipur ynne ka sngi.
Lada chem ya kiwon kiwon ki bru wa tyngkheiñ ya kani ka hukum daw pynchitom katkam ka aiñ, da ong chooh ka hukum u District Magistrate, Imphal West, Th Kirankumar.
Da ong wa da chem wa ki NGO, ki Club, ki bru samen wa kiwi kiwi da sdang ki wow saam marbaam kamjooh ki dawai wa kiwi ki mar wow yarap ha ini i por wa em ka khlam ha ki dong ki chnong ka Imphal West District.
Da ong leh wa ini i leh sbun iwa da leh dei bha mynsien ya kitu kiwa chah ktah ha ka khlam toh iwa pdiang dei khooid mynsien lada man i hawa iwon iwon i rukom, tangwa ini i leh sbun da wan i deiliang wa i pynemkaam da ki tanghæng, ki yalang paidbah, i lai na iwi i yung cha iwi khamtam hawa e ya ki yusong marbaam wa em ka chap ki seiñ, i pyrtuid kiwa e sñiawbha toh du yow yoh u pynmih khubor wei wow pynyoo cha ki Social Media donhi.
Kamtæ da sñiaw wa ini i pynemkaam ya ki laad pathai khubor wa ki Social Media yow tip pyrthai deiwa chondur wei riñ Video toh i wym em miat wei da man ko leh pyrchah ya ka yurim hawa leh bha, leh sbun, da ong chooh chooh ka hukum.
Hajrong kini ki yurim da ong wa da toh u pyndam noh chisyndon ya kini ki jait kaam pynyoo pyrthai yei lai e yarap deiwa pyrkhat yei bha i miat ki paidbah, da ong u District Magistrate.
