Shillong: U Additional Deputy Commissioner I/c Pynursla Civil Sub-Division hapoh ka Section 144 CrPC da pynmih hukum u wow khang ya kiwon kiwon ki bru, ki seiñ wa kiwi kiwi wow pynyap yaki mrad khloo lane wow pynsih ya ki khloo ki kjam hapoh ka Pynursla Civil Sub-Division.
Ya kani ka hukum da pynmih hadien wa em kawi ka dngiem (Himalayan Black Bear) kawa da suba wa chah pynyap ha kiwa chong chnong ka Mawpyrthuh wei da em leh kiwa pyntip dei ktien yei joor i pynjæd yaka rymaw, iwa da kthah ya ki jhoor, ki phlang, ki syntu kiwa mih du ha kini ki thaw iwa da leh khnang da ki kattu katni ha ki thaw wa em cha jngai na ki chnong ki thaw.
Kamtæ emkaam wow yada wei pynsñiawthooh yaki aiñ wa yatoh wa i khloo i kjam kamjooh waki mrad khloo (Forest & Environment Acts and Wildlife Protection Acts) yow ye u pynneh pynsah yaka rymaw kamjooh yow yada ya kiwa imja na iwa e ka rymaw.
