Ka Dorbar Chnong Loom Soo Iung Newhill, Jowai ha ka thong wow pynsuk yei lai i wan ki bru da ki kari hapoh u pood u ang ka chnong, ha kani ka tayaaw da booh ko ya ki No Parking Zone wow man kam chibynta ka wyrta chula yow tip ki paidbah wa lai wa wan wa psiah wa mih hapooh ki luti syngkieñ ka chnong.
Kini ki No Parking Zone toh ha waroh ki sarok wa psiah wa mih wa kiwa em chapoh ka chnong iwa mut wym chah de u pynyieñ kari ha waroh ki rood sarok hapoh ka chong ka thaw wot ya ki tre chnong.
Ka dorbar chnong da chim ko ya kani ka rai toh hadien i yoo i chem yong ka na ki por cha ki por yei wym lailiang i lai i wan ki kari hapoh u pood ka chnong neidaw wa em i pynsnageh kari ki bru ha ki bynta u sarok.
Da pyntip wa kini ki No Parking Zone u krehkaam ki salonsar ya waroh.
Kamtæ da kyrpad ya ki khon ka dong ka chnong kamjooh ki lok ki jor kiwa na baar ka chnong wow sñiawbha ki u burom ya kani ka rai wei wow yakrehlang neibynta i suk i bha yong lang.
Discussion about this post