Khliehriat: U Deputy Commissioner ka East Jaiñtia Hills District da pyntip paidbah u wa em ki truck wa kit ya ki mar wa emkaam lada kiwa dap tiar namo kiwa thylli da pynyieñ truck khalær ki ha u sarokbah National Highway 6 hapoh ka District.
Da ong u wa i pynyieñ khalær ya ki truck wa wan na baar jylla ha u sarokbah booh ki hei maa ya kiwa chong chnong hajan ki sarokbah wei ye uni u khniang wow poor lada kamni.
Katwa kamtæ da khang ya ki truck wa ki kari wow yieñ ya ki ha tymbud u sarokbah National Highway 6, da khang leh ya kiwa yah (driver) wa kiwa yarap ya ki (helper) wow hiar na kari wot wow lai mihlait namo wow baam wot wow dih cha ha u National Highway 6.
Ki truck kit ya ki mar wa emkaam ymtoh u kit bru ki na u sarokbah wei u chah du ar ngut hapoh ki kari wa kynthup ya uwa yah wa uwa rap ya oo (Driver and Helper).
Ki truck kit mar u chah wow yieñ ki wow chim um wa ki baam song du ha M/s Friends Restaurants & Hotel ha Ladrymbai wa ha M/s Halari Dhaba, Lad Lumtongseng ha Sonapur.
Da chah ya ki wow hiar leh du ha ki petrol pump wa wai ha u National Highway 6 wow chong-ngiah wei wow lai mihlait ki.
Discussion about this post