U Deputy Commissioner ka West Jaiñtia Hills da pyntip u wa katkam ka hukum ka chnat Forest & Environment ka sorkar Meghalaya, wa yow tih chyiap emkaam wow yoh bor hapoh ka aiñ Meghalaya Mineral Concession Rules, 2016.
Kamtæ yow tih chyiap emkaam wow yoh bor namo ka Quarry Permit wa Mining Lease, heiwa yow chyiap toh uwa da kheiñ kam u Minor Mineral katkam wa da kdaw ha ka Schedule III ka Meghalaya Minor Mineral Concession Rules, 2016 wei ym e yaka Quarry Permit lada ym yoh chwa ya ka Environmental Clearance hapoh ka aiñ Environment Protection Act, 1986.
Ini mut wa yei tih chyiap daw leh katkam ka aiñ Meghalaya Minor Mineral Concession Rules, 2016 wei u pynkrehkaam katkam ka Rule 4(3) kani hi ka aiñ.
Ka sorkar Meghalaya da pynkrehkaam ko leh ya ka Sustainable Sand Mining Management Guidelines 2016 waka Enforcement & Monitoring Guidelines for Sand Mining 2020 neibynta u pynlai bait ya ini waroh.
Katkam ka Section 21 ka Mines & Mineral (Development & Regulation) Act, 1957 da e bor ya ki sahep sorkar wow kem kamjooh wow dai lilam ya u chyiap wa tih pyrchah ya ka aiñ kamjooh ya ki tiar ki tar, ki kari wa kiwi de wa da pynemkaam wow leh pyrchah ya ka aiñ.
Kamtæ u DC ka West Jaiñtia Hills da pynkrehkaam u leh ya ka Section 144 Cr.PC yow khang yei tih chyiap da kiwon kiwon ki bru, ki seiñ wa kiwi khlem da yoh chwa ya ka Quarry Permit wa Mining Lease katkam ki kyndon ka Meghalaya Minor Mineral Concession Rules, 2016.
Kani ka hukum toh kawa krehkaam chi syndon hadooh wa pynmih hukum da kamwi.
