U District Magistrate, West Jaiñtia Hills da pynmih hukum u hapoh ka Section 144 CrPC yow khang yei tih chyiap, i khloh moo tymbud ka wah Myntdu kamjooh napoh ka wah wei wow ah dieñ ha ki thaw wa em hajan ka wah Myntdu.
Kani ka hukum da khang ko leh yei sait that, sait kari, i noh yei waroh ki jait jakhlai kiwa poi cha ka wah Myntdu.
Da pynmih ya kani ka hukum neidaw wa i bha i miat ka wah nang sih i katwa dang lai ki sngi neidaw wa sait that, sait kari ha ki um wa kai cha ka wah Myntdu kamjooh i noh yei jhep, i khyndaw, i tih chyiap wa i khloh moo wa pyrchah yaka aiñ naka wah Myntdu.
Chooh chooh kam chibynta wow pynkrehkaam ya i hukum ka National Green Tribunal (NGT) kawa khang yei ah yaki dieñ, i tih chyiap wa i khloh moo na ka wah Myntdu wa na iwa em hajan yong ka.
