U Deputy Commissioner ka East Jaiñtia Hills District da pyntip paidbah u wa u Lat ka Meghalaya da pynmih u ya ki kyndon wow yada ya ki um ki wah wa em hapoh ka jylla katkam ki hukum ki adong ka Meghalaya Waterbodies (Preservation and Conservation) Guidelines, 2023.
Kini ki kyndon toh kiwa yahluti wow man kam ki yurim wow yada ya ki um ki wah yow pynneh pynsah ya ki um ki wah hapyrdi i wan i roi i paar wa i kylla ki soodong ka chnong ka thaw yow man salonsar ha waroh i liang.
Katkam kini ki kyndon, da khang ya kiwon kiwon wow noh ya kiwon kiwon ki jait jhep cha ki um ki wah. Chooh chooh ki jakhlia wa mih na ki dooid, ki karkhana ymtoh wow pynlai ki cha ki um ki wah lane cha ki thaw kiwa daw poi cha ki um ki wah.
Da khang leh ya kiwon kiwon ki bru wow pynwit pynthut ya ki bor sorkar kiwa da thung wow yada ya ki um ki wah.
Ini mut i leh wa da khang ya kiwon kiwon ki bru kiwa khlem yoh bor wow tih mooh, tih khyndaw, u tih ya ki mar pohkhyndaw hajan ki um ki wah.
Da khang leh ya ki bru wow khwe dei rukom wa heh namo ka Commercial Fishing næ i rukom psan dakha iwa daw ktah ya ki dakha kiwa da em chwa.
Chooh chooh da khang leh wow leh ya ki kaam wow pyndap khyndaw ya ki um ki wah iwa ye wow pynkhian yei heh i kmai ki um ki wah wei ym chah leh ya kiwon kiwon wow chna u tei ya iwon iwon i jait ha ki um ki wah.
Discussion about this post