Ka District School Education Officer ka East Khasi Hills District da toh ko cha waroh ki Principal, Headmaster ki Higher Secondary wa Secondary School ka District yow phah wei wow pyntikna ki wym chah ya ki khynnah wa dang khian rta wow yah ki da ki kari nadooh ki ar chaka yow lai skur ki.
Yeini da leh katkam wa da hukum da ka Supreme Court Committee on Road Safety (SCCoRS) heiyatoh wa i chngaaiñ i lai i wan.
Neiliang ka Ministry of Road Transport & Highways ka sorkar India leh da dep thoh ko cha ki jylla wa ynnin u snem 2021 da em hadooh 1.5 lak ngut kiwa yap nei chah tyrrah kari wei da em leh boon kiwa da mynsoo hadooh wa da ktah yei longbru manbru iwa da ktah chiboon ya ki manyung mansem wei da emkaam wow pynrkhiñ bha yei rukom pynkrehkaam ya ki aiñ.
Da phah leh ya ki sorkar jylla wow thung da ki District Road Safety Committee ha kawi pa kawi ka District yow pynkrehkaam yeiwa da phah da ka SCCoRS.
