U Sub-Divisional Magistrate, Amlarem Civil Sub-Division, Amlarem da pynmih hukum u ynne ka sngi yow khang yei yalang 5 ngut lane palat 5 ngut ki bru ha ki thaw wa jngai 5 Km na u pood ka Amlarem Sub-Division wa ka Bangladesh.
Ya kani ka hukum da pynmih hadien wa u Sub-Divisional Magistrate, Amlarem da yoh u ya ka ujor ha ka 2 tarik uni u bnai na u Commandant ka 20 BN BSF Umpling, wa em boon ki kaam pyrchah aiñ kiwa leh ha khappood kiwa da ku bha katni nadooh ki psiah tooh ki nong Bangladesh, i psiah ki damok, kiwa khayi tooh iwa daw ktah yei chongsuk ha ki thaaiñ khappood Indo-Bangladesh.
Chooh chooh da ong wa lada em kiwa tyngkheiñ ya ka hukum, daw chah pynchitom ki katkam ka aiñ.
Kani ka hukum toh kawa krehkaam chisyndon hadooh wa pynbna da kamwi.
