Khliehriat: U Deputy Commissioner & Returning Officer, District Council Election, East Jaintia Hills District da pyntip u wa katkam ka Section 126 yong ka Representation of the People Act, 1951, ki kaam yalap Election cha ka Jaintia Hills Autonomous District Council 2019, u kut noh ki ha ka 25-02-2019 ha i por 04:00 waje i janmiet.
Hadien ini i por, da khang pyrchah wow pynman ya kiwon kiwon ki jait yalap Election ha kiwon kiwon ki rukom, kam ka yalang paidbah, i pynmih ya kiwon kiwon ki kaam kiwa yatoh waka Election kiwa ktah ya kiwa thap Vote ha ki kot khubor næ TV (Print & Electronic), i lai Canvass Election deiwa psiah man ki thlu yung wa kiwi kiwi de, ha waroh ki District Council Constituency kiwa em hapoh ka District.
Lada em kiwa tyngkheiñ ya kini, daw chah pynchitom katkam ka aiñ, deiwa chah set patok ar snem lane chah daiñ kuna lane waroh ar.
U Deputy Commissioner & Returning Officer, District Council Election, East Jaintia Hills District, sa chisien da ban joor u heini wa ki TV/Radio wa ki cable TV, ym toh de u pyllait næ chah næ pynmih prokram kiwa yatoh wa ki Appeal næ ki yatai næ ki yaklam neibynta u næ ka kyrtong na kawon kawon ka Political Party kawa ye u ktah ya ka Election næ rukom thap Vote yong u næ ka wa thap Vote.
Discussion about this post