I khlai diñ u loom Taal ha nongbah Manila, Philippine nadooh ynnin ka sngi da ktah i ya ki phaw hajar ngut ki bru khamtam kiwa thmu u lai u wan da ki lieñsuiñ.
Ya ki lieñsuiñ da pynsangeh ya ki wow hær na i thaw wa em uni u loom neibhah chirup wa i tdem wa rben uni u loom da khlai u ya i diñ wa i tpai iwa ye u ktah ya ki lieñsuiñ.
Ki heh sorkar da maham ki leh wa uni u loom ye u wow pdung ha iwon iwon i por heiwa ye leh u hær ki moo na ini i pdung.
Katkam wa man ynne ka sngi ki yung wa ki sarok wa em talawiar uni u loom Taal da chah ktah ki ha u khmi uwa khih dei langær nadooh wa sdang khlai diñ biang u ynnin ka sngi wei da chah tymmoh ki leh ha i tpai.
Katkam ka yutip wa yoh da ong wa palat 10,000 ngut ki bru da yut rieh ki cha ki thaw wa kyrpang (Evacuation Centres) wa da booh ka sorkar.
U Taal, uwa em chawah ka nongbah Manila, toh uwi na ki loom khlai-diñ (Volcano) wa em ha ri Philippines.
Chooh chooh ynne ka sngi ki bor sorkar da phah khang lut ki ya waroh ki skur, ki thaw puræ wa ki yung krehkaam ki chnat sorkar.
Ki bor pynlai lieñsuiñ ka ri da ong ki wa da pyrchang ki leh katwa ye wow sdang biang u pynhær ya ki lieñsuiñ na ka Intrrnational Airport ka Manila.
Ynne i janmiet, u Mayor ka Manila City, u Isko Moreno Domagoso da phah khang u ya waroh ki Class ha ki skur wa ki thaw puræ nadooh mynstep ka 14 tarik.
Discussion about this post