Katkam wa phah da ka sorkar heiyatoh wa ki kyndon aiñ Plastic Waste Management (Amendment) Rules, 2021, neiliang u Deputy Commissioner, West Jaiñtia Hills da pyntip u wa i chna, i thied, i chalan, i pynlang (Stock) kamjooh wow saam, wow dai wei wow pynemkaam ya ki muna Plastic thymme lane kiwa da dep Recycle ym toh u man ki kiwa hapoh 75 Micron i rben nadooh ka 30 Naikhynde 2021 wei toh u rben ki 120 Micron nadooh u 31 Kmaichonglad (Dec), 2022.
Ki muna wa tip kam ki Non-Woven Plastic Carry Bags ymtoh u duna ki 50 Gram Per Square Meter (GSM) nadooh, 31 Naikhynde 2022.
Da khang wow chna, u pynlang, u saam, u dai wei wow pynemkaam ya ki Plastic kiwa pynemkaam du chisien donhi (Single Use Plastic) wa kynthup ya ki Expanded Polystyrene nadooh ka 1 Naiynñiaw (Jul) 2022 wei kini u kynthup ki ya ki:
Ki wiah chkoor (Earbuds) wa em dieñ Plastic, ki dieñ Plastic wa em ha ki Balloon, ki lama Plastic, ki switmit wa em yuksoh Plastic, ki Ice Cream Sticks, Polystyrene (Thermocol) wa pynemkaam yow pynriam.
Da khang leh ya ki tiar Plastic kam ki khuri, ki pliang, ki klat, ki proh, siang, ki Straw, ki Tray Wrapping wa song da ki Plastic lane ki Packing Films hawa song ya ki baam wa thiang, ki Invitation Card, ki yusong sikret wa ki Plastic lane PVC Banner kiwa hapoh 100 Micron wa ki yukiñ (Stirrers).
