Jowai: U District Magistrate, East Jaiñtia Hills District, Khliehriat da pynkrehkaam u da ka Section 144 CrPC wow khang ya ki truck wow lai na ka yingkieñ ha ka wah Ri Manar, wa em ha u sarok Sutnga-Sumer Road kiwa kit palat 18 MT.
Waroh ki truck kiwa lai lyngba kani ka yingkieñ toh u kit ki hapoh 18 MT.
Yeini da leh neidaw wa kani ka yingkieñ man ko kawa da rim wei booh ko hei maa yaki paidbah wa lai wa wan neibhah lada kit palat pood kani ka yingkieñ ye ko wow kheiñ i wa daw pynthut yei lai i wan ki paidbah.
Yeini da leh hadien wa yoh ya ka bui na u Executive Engineer PWD (Roads), NEC Division, Khliehriat wa i bor yong ka Bridge No. 20/1 hajrong ka wah Ri Manar ha u Sutnga Sumer Road toh du 18 Metric Tonnes wei hanlada pynkrehkaam ya ka Section 144 CrPC neipor cheipor, ki truck wa kit palat 18 MT dang pteiñ ki wow lai na kani ka yingkieñ.
Kani ka hukum u kreh ko nadooh ynne wa pynmih ya ka.
Also Read: Maham ki paidbah ka 14 chnong wow lai cha High Court heiyatoh wa ka yingkieñ Rimanar
Discussion about this post