U District Magistrate, East Jaiñtia Hills District da pyntip u ya waroh kiwa yah Truck wa ki Transporter hapoh ka District wa ka Meghalaya High Court da pynmih hukum ko wa waroh ki kari kit mar wa lai na ka yingkieñ Umiam Bridge ymtoh de u kit ki palat 20 Metric Ton (Gross Weight) ki mar.
Da ong u leh wa ka Transport Department toh ka chnat wow thaw yei khia ki kari kit mar katkam ka kyndon Section 114 ka CMV Act 1988 kamtæ da em bor ko wow phah kit ya ki mar hapoh i khia wa da booh.
Ya ini da leh neibynta i bha i miat ka yingkieñ Umiam heiwa ka Transport Department da booh ko ya ki kyndon wa chipor wow khang u kit palat pood hawa lai na kani ka yingkieñ wei ki kari wa kit palat 20 Metric Ton da khang ya ki wow lai na ka.
Ki kari kit mar wa mih na East Jaiñtia Hills District kiwa kit palat 20 Metric Ton ym chah ya ki wow lai na kani ka yingkieñ.
U District Magistrate da pynkrehkaam u leh ya ka Section 144 Cr.P.C heiwa u chah ya ki kari wa lai na yingkieñ Dwar Ksuid Umroi Bridge wa em ha Shillong Bye Pass, toh du kiwa khia 10 Metric Ton donhi (Gross Weight).
Chooh chooh ki Truck 2 Axle 6 chaka ymtoh u kit ki palat 19 MT wei ki Truck 3 Axle 10 chaka ymtoh u kit ki palat 20 MT.
Kiwa leh pyrchah yei i daw pynchitom ya ki katkam ka Section 144 ka CMV Act 1988.
