Da khang ya waroh ki seiñbhalang wow kreh hapoh u pood ka Elaka Nongkhlieh

Ka Joint Committee yong ka Elaka Nongkhlieh wa da pynman ha ka 9 tarik uni u bnai March 2026 da chim ko ya ka rai wa ki seiñbhalang, ki seiñ kreh monsñiawbha kiwa kreh ha Ri-loom Jaiñtia wa ka jylla Meghalaya wa neiliang ka Elaka Nongkhlieh nadooh ka 14 tarik u March 2026 ym chah de ya ki wow kreh hapoh u pood ka Elaka.

Da phah wa kiwon kiwon ki seiñbhalang wa em Office næ thaw krehkaam hapoh u pood ka Elaka Nongkhlieh wow kyrriah noh ki.

Chooh chooh da rai wa kiwon kiwon ki seiñbhalang næ ki seiñ kreh monsñiawbha wa ymye de ki wow psiah hapoh u pood ka Elaka khlem yohbor na ka Elaka.

Related posts

Dei pyrtuid Raja e ka yung ka sem ya u khonboo wa kha nyngkong hadien wa yap u Raja Raghuvanshi

March 31, 2026

Wan hiar paidbah ka Huroi wa Lahalein cha Jowai wow pyrchah yei e Sanad ka JHADC ya ka Umpyrshin

March 31, 2026

Kiwon kiwon ki seiñ wa kwah wow psiah chapoh u pood ka Elaka hap paan bor chwa ki na ka Elaka deiwa pyntip yei daw, ka yurim wa i thmu yong ki wei emkaam chwa u thoh ki chi bnai chwa i por khnang wa ka Elaka yow rai lada u chah næ ym chah ya ki.

Ka Elaka Nongkhlieh da kyrpaad ko ya waroh wow bood wei burom ya kani ka rai ka Elaka.