U DC ka East Jaiñtia Hills da pyntip u wa em i tih chyiap, i khloh moo wa man pyrchah ya ka aiñ na ki um ki wah wa kiwi de ha ki kattu katni ki thaw hapoh ka District wei ka National Green Tribunal (NGT) da pait ko ya kam kini ki kaam pyrchah aiñ hapoh ka jylla wei da dep ko leh wow pynmih hukum pyrchah ya ini.
Kamtæ u DC da ong u wa hei sñiaw yong oo wa ini i rukom tih chyiap pyrchah aiñ kamjooh i khloh moo toh u khang noh ki, hajrong ini da pynkrehkaam da ka Section 144 CrPC yow khang ya kni ha wah:
Da khang wow tih chyiap wei wow khloh moo na ki um ki wah neidaw wa pyntngit pynjakhlai i ya ki um ki wah.
I thih khiar ya u chyiap daw wanrah i leh yei oor moo wei khyndaw na ki chrooh loom kiwa daw poi cha ki um ki wah. Ini ktah i leh ya ki mar rep wa em ha ki chrooh loom, ki tyllong um kamjooh ki doh um.
Kani ka hukum toh kawa krehkaam nadooh ka 14 tarik uni u bnai.
