Shillong: U District Magistrate, ka East Khasi Hills District, Shillong da pynkrehkaam u da ka Section 144 CrPC pyrchah yei tih chyiap tih moo be-aiñ na ki loom kamjooh na ki wah.
Ya ini ym ye de u leh khlem yoh bor na kiwa pait ya ini i kaam wei emkaam u yoh ya ki Mining License/Quarry Permit wa kiwi kiwi de ki kot ki sla.
Ya kani ka hukum da pynmih hadien wa chem dang pteiñ i tih moo tih chyiap ha kiwa boon ki thaw wei i tih moo ha ki loom da wanrah ko yei boon i oor i khyndaw ki moo kiwa lai bait cha ki wah iwa ktah joor ya ka um ka wah wa ki jhoor ki jhep kamjooh kiwa im ha ka wah.
Da ong leh wa da boon ki wah da jakhlia ki na kini ki kaam hadooh waka ka um ym hoi de u dih ya ka wei kamjooh da booh ko yei ma ya i mynsien bru.
Kani ka hukum u krehkaam ko syndon ha waroh ka District ka East Khasi Hills District hadooh wa pynmih won da kiwi ki hukum.
(Feature Image-File Photo)
Discussion about this post