Jowai: Neidaw wa em i yap ki sniang ha Nongtalang, Muktapur, Lamin wa Shnongpdeng ki chnong wa em hapoh West Jaiñtia Hills District deiwa suba wa yoh ki ya i kjut African Swine Fever (ASF) wei yow yada nei poor kani ka kjut cha kiwi ki chnong, u Deputy Commissioner, West Jaintia Hills District da pynmih hukum wow khang (Banned) ya kini ha wah:
- I wanrah ya ki sniang na kiwi ki District wa na kiwi ki jylla.
- I kit ya ki sniang na ki chnong wa da kdaw haneiñ cha kiwi ki chnong.
- I wanrah yaki sniang chapoh kini ki chnong wa da kdaw haneiñ.
U Deputy Commissioner da pyntip u leh wa u District Animal Husbandry & Veterinary Officer, West Jaintia Hills District, Jowai daw pynsñiawthooh paidbah ki hajrong ini, i pynkhooid ya ki tiar ki tar wa pynemkaam ha ki thaw ri sniang wa i rukom tlep yaki sniang katkam ka kyndon.
Kani ka hukum u krehkaam ko chisyndon.
