Ampati: Ki paidbah ka South West Garo Hills ynne da yachem ki ha Ampati Multi-Facility Centre yow leh warom ya ka World Environment Day, 2017, heiwa u W.D. Sangma da man u kam u kongsan heiwa da khlai ya ki kular wa tip kam ka ‘Green Pledge’ hei emlang u Deputy Commissioner, Cyril V.D. Diengdoh, Superintendent of Police, Bobby W. Momin, ki he sorkar, ki nokma, ki khynnah wa kiwi kiwi.
Ha kani ka sngi da booh ya ka phang “Connecting People With Nature” næ wow pynyajan ya ki bru wa ka Rymaw.
Ya kani ka sngi da pynman da ka Basin Development Unit (BDU) South West Garo Hills heiwa da thung ya ki tre dieñ, da pynkup burom ya ki bru, kiwa rep, wei da saam ya ki khusnaam cha ki wa jop yong ki yakop waphær waphær.
Hei klam ynne ka sngi u Sangma da pynkynmoo u ya ki paidbah wa toh u em bahkhlieh ya ka Rymaw wei wow yada ya ka khamtam ha kini ki por wa da phær ka suiñbneiñ wa tip kam ka Climate Change.
Ha kini ki sngi wa da dep da pynman ya i pynkhooid ya ki skur, ki yungkrehkaam sorkar, ki yaaw ki hat, wa kiwi kiwi.
Discussion about this post