Kam chibynta wow pynneh pynsah ya ka riti dustur ka Ri-loom Jaiñtia wei wow yada ya ka bei rymaw, neiliang ka East Jaiñtia Tourism Environment Promotion Society deiwa ya krehlang waka DTPS East Jaiñtia Hills daw pynman ki ya ka Lathuthiñ Festival 2024 ha ka 18 wa 19 tarik uni u bnai October ha Tuber Shohshrieh.
Ha kani ka tamasa daw em ka yakob miat kynthai wa tip kam ka Miss Lathuthiñ ha ka 18 tarik ka wow sdang nadooh 5:00 waje i janmiet heiwa daw em leh ka pynyoo rong yei riam tynre, ki rwai i chaad kam na ka Wanz Dance Evolution wei i pynchit da u DJ K3NED wa u Dony.
Ha ka sngi wa ar nadooh 12:00 waje pyrdi sngi daw em leh ka yabob pynlang klong Plastic heiwa kiwa yoh nyngkong daw yoh ki Rs. 20,000, kiwa yoh wa ar Rs. 15,000 katwa kiwa yoh wa le won Rs. 7000.
Ha ka 19 tarik daw em leh ka Bumper Housie kawa Rs. 2,00,000 wei ka Ticket man ko Rs. 500 chi Card katwa ki Line won man ki Rs. 5000 uwi.
Ha kani ka sngi wa ar daw em leh kiwa pynwyrngia nadooh u Deiwitawan Synnah, ki Empirical Tribe, Bahun Maweriñ, DJ Zethan, Monmi777 & Johnny wa u DJ Deibormi.
Ka bai psiah cha kani ka tamasa toh Rs. 200 chi sngi.
Kamtæ da khut sñiawbha ya phi ki paidbah wow wan embynta heiwa daw yoh phi leh u maad ki baam tynre kamjooh ki jait dih tynre kam i Sidhiar wa kiwi kiwi de.
Discussion about this post