Ka New Testament Restoration Church, India da khut sñiawbha ko ya phi waroh ki lok ki jor kiwa man Christan wei ki wym em man Christan leh cha ka yaseiñ ‘HEALING CRUSADE-2025’ kawa daw pynman ha madan Ladthadlaboh, Jowai nadooh 21 tarik hadooh ka 23 tarik uni u bnai March, 2025.
I por man yaseiñ toh man ka janmiet heipor 6:00 waje katwa ha ka Sngi U Blai ki yaseiñ u man ki heipor 10:00 waje i step, 1:30 i sngi wa 6:00 waje i janmiet.
Uwa klam wa kongsan ha kani ka yaseiñ toh u Apostle R.R. Khongkrom uwa man u chakri u Blai ha ka kaam yalap la 44 snem kattu. U Blai da pynemkaam u yei chakri yong oo wow yalap, wow sikai ya ka ktien Blai wei wow duwai ya kiwa kjut wa chitom wa ya kiwa chah kdoh chah khoom hei bor i pap, u soitan wa ki bor wa doom.
Chiboon bah ki bru da yoh ki yei pynlait, i kyrkhu wei pynchait lyngba i chakri yong u Apostle R.R Khongkrom da i bor phylla yong u Blai. U Blai da rah u ya oo wow lai yalap ya ka ktien u Blai ha kylleiñ ka ri India chadooh cha Asia, Europe wa America. Ha kani ka kynti i wan yong oo wow chakri ha Jowai ha kani ka yaseiñ daw man ko i kyrkhu wa khroo ya ki paidbah ka Ri-loom Jaiñtia.
Najrong i yalap ya ka ktien u Blai daw em leh i duwai ya kiwa kjut wa chitom wei ya kiwa emkaam yei duwai.
Kamtæ da khut sñiawbha ya waroh wow wan ap yei ktien u Blai wei yow yoh leh yei duwai neibynta i yong samen wa ha ka yung ka sem kamjooh.
Yow tip bniah ye phi wow Phone ha kini ki Number: 7085923614/9856007031.
I pyntip na ka New Testament Restoration Church, India, Wahiajer Circle.
Discussion about this post