Da khut Tender yow chna noh ya ka yingkieñ wa pynyabi ya ki 7 Chnong

Ka Jaiñtia National Council (JNC)- 7 Chnong Circle ynne ka sngi hapoh i yahkhmat u Mehi Rymbai, In-charge ka 7 Chnong Circle wa u President, u Wishes Siangshai da lai boodien biang ki heiyatoh wa ka yingkieñ nar (RCC Bridge) kawa jooh tip kam ka “Lyngkeiñ Um-Su-Wai” ha u EE ka PWD NEC Khliehriat Division, u E. Kharnaïor wow thooh bniah hajrong i dawa ka seiñ wow pynchna noh ya kani ka yingkieñ.

Kam wow pynkynmoo wa ka seiñ dadep booh ko da boon sien i thoh cha ki bor wa hajrong wow dawa pynchna noh ya kani ka yingkieñ kawa da jæd da pra kawa booh leh hei maa ya kiwa lai wa wan khamtam ki paidbah ka 7 Chnong.

Katai ka yingkieñ toh kawa jrong kamwa 140 Meter wei man ko leh ka yingkieñ kawa jrong tam ha East Jaiñtia Hills wei man ko leh ka yingkieñ kawa pynyabi ya kiwa boon tylli ki chnong wa kynthup ya ki 7 Chnong na Rymbai Road cha Moolamanoh, Mulang, Musniang, Musniang Rim, Moo-Nongtdu waka Lumputhoi kamjooh chadooh ki san chnong yong ka Mutong, Cham Cham, Lum Chyrmit, Mukhaialong waka Pynthorsale hachwa wow poi biang cha sarokbah Kongong.

Hei yaklam wa u EE, ka seiñ da yoh ko ya ka khubor wa bha heiwa da pyntip u wa neiliang yong ka PWD ha ka 14 tarik uni u bnai da pynmih paidbah ko wow khut Tender neibynta u chna noh ya ka Lyngkieñ Um-Su-Wai wei da mang leh ha i dor wa 19 klur 20 lakh tangka, wei i por leh toh u pyndep ha ki 24 bnai.

Chooh chooh u EE da ong u leh wa neiliang ka yung krehkaam yong oo u kreh chitom ko katwa ye wow pynsmat yei pynmih hukum yow pynchna noh katkam i kyrpaad ka seiñ khnang wow ye u sdang noh u smat yei chna, wei da ong u leh wa pyn ha u Kmaichonglad (Dec) uni u snem u pynmih hukum noh.

Related posts

Da ka yakob siat Carrom pynman ka Scouts & Guides ka West Jaiñtia yow lehkmen sngi laitlooid

August 15, 2025

Leh burom ka Dorbar Chnong Loomkyrwiang ya ka 79th Independence Day

August 15, 2025

Neiliang ka seiñ dap ko dei sñiawngooh ya ka chnat PWD wa da smat ko u chimkhia yeini i dawa khamtam i dawa leh yong kiwa chong chnong ka 7 Chnong neibhah kani ka yingkieñ toh ka thiedsnaam yong ki ha waroh i liang, kamtæ da e khublei leh ya u EE ka PWD NEC Khliehriat Division wa da chimkhia u wow pynmankaam ya katai ka kaam wei da man ko leh kawa da angnood ki paidbah ka thaaiñ da ki phaw snem kattu.

Ka seiñ yooluti ko wow yoh sdang noh yei chna wei daw boodien biang ko hadooh wa mankaam wei mih soh ini i kaam.