Ka West Jaiñtia District Badminton Association, Jowai da pyntip ko wa daw pynman ya ka 16th District Open Badminton Championship 2025 kawa daw sdang nadooh ka 28 tarik uni u bnai wei daw pynkut ha ka 1 tarik u bnai wow wan.
Ki yalehke toh kiwa daw sdang heipor 5:00 waje i janmiet ha Indoor Hall ka Seiñraij Jowai kawa em ha Tpep-Pale, Jowai (Madan Ryngkaw). Kamtæ ka Association da khut da wer ko ya ki khon ka ri-loom Jaiñtia wow wan chimbynta ha kani ka lympung yaleh Badminton kam chibynta wow pynkhreh u lai chimbynta cha ka 40th Meghalaya State Badminton Championship 2025 kawa daw pynman ym slem de.
Ki yalehke kani ka lympung toh kiwa da yabhah kamni ha wah:
Under-13 Boys Single/Boys Doubles- Kiwa chimbynta toh u man ki kiwa kha ha næ chwa ka 01-01-2013.
Under-15 Boys Single/Boys Doubles- Kiwa chimbynta toh u man ki kiwa kha ha næ chwa ka 01-01-2011.
Under-17 Boys Single/Boys Doubles- Kiwa chimbymta toh u man ki kiwa kha ha næ chwa ka 01-01-2009.
Under-19 Boys Single/Boys Doubles- Kiwa chimbynta toh u man ki kiwa kha ha næ chwa ka 01-01-2007
Under-19 Mixed Doubled- Kiwa chimbynta toh u man ki kiwa kha ha næ chwa ka 01-01-2007.
Kini waroh hap ki wow wanrah deilang wa u Aadhaar Card ki.
Hapoh ka Open Category won toh kawa em ya ka Women’s Single, Women’s Doubles, Men’s Single, Men’s Doubles wa Mixed Doubles.
Waroh kiwa chimbynta ye ki wow chimbynta ha ar tylli ki jait yalehke (Events) lait noh ka Mixed Doubles.
Ka tarik wa khaddooh u pynpoi yei pyrtuid toh ha ka 21-07-25 hadooh 7:00 waje i miet wei yow tip bniah ye wow Phone ha u Teddy Laloo uwa man kam u Tournament Secretary (9366115391) wa ha u Assistant Secretary, u Arki ioo Passah (9612098639).
Discussion about this post